Lehenik eta behin, Costa del Sol Malaga zoriondu nahi dugu Erregina Kopako txapeldun izateagatik, merezimendu osoz, eta Mecalia Atlético Guardesi ere zorionak eman nahi dizkiogu Kopako lehen finala jokatu duelako eta txapelketa ona egiteagatik. Era berean, KH7-BM Granollers zoriondu nahi dugu kadete mailako Minikopa irabazteagatik.
Bera Bera Eskubaloiak eskerrak eman nahi dizkie parte hartu duten talde guztiei, kadete mailako minikopan zein helduen Kopan, egun hauetan Gipuzkoan egin dugun elkarbizitzan jokaera onagatik.
Era beren, eskerrak eman nahi dizkiegu boluntario guztiei, Illunbeko Donostia Arena maila goreneko kirol-agertoki bihur dadin. Erronka hori, gure ustez, umiltasunez lortu dugu, Meta Finalen inplikazioari esker, bera Bera RTrekin batera egon baita ekitaldiaren antolaketan.
Erreginaren Kopako XLIII. edizioa antolatzeko ardura eman zigutenetik, final-laurdenetako, finalerdietako eta finaleko partidetatik haratago zabaldu nahi genuen ekitaldia. Berriz elkartuko gaituen Kopa eta Guztion Kopa izatea nahi izan genuelako. Guztion Kopa! Zaletasuna berriro partekatu genezakeen edizio bat.
Bertigoa izan dugula ere aitortu behar dugu. Illunbeko Donostia Arena bezalako eszenatoki batera igarotzea jauzi kualitatiboa eta kuantitatiboa izan da. Bidaia honetan Illunbeko langileen inplikazioa izan dugu, eta horrelako ekitaldiek dakartzaten logistika arazoak konpondu dizkigute, baita Gipuzkoa Basketena ere, bere ulermenagatik eta Donostia Arenan erosoen sentitzeko duen laguntzagatik. Guztion artean lehen mailako ekitaldi baten agertoki duina egin dugu.
Gipuzkoako Foru Aldundiaren inplikazioa ere eskertzen dugu, Kirol Zuzendaritza Nagusiaren eskutik eta Donostiako Udalarena ere bai, eta gure babesleei, bereziki Super Amara, Gesalaga eta Okelani. Horrelako ekitaldiek aparteko ahalegina eskatzen dute erakunde askoren aldetik, eta hori emaitzan islatzen da.
Gure ustez, Erreginaren Kopako edizio honekin, emakumezkoen eskubaloiak beste urrats bat eman du, beste esperientzia bat eskaini ahal izan du Kopako azken fase batean, eta gure kirolak bere balioak zabaldu ahal izan ditu 3.089 ikusleren aurrean, etxeko taldea ez zegoen final batean. Guztira 8.500 izan dira hiru egunetako zenbaketa orokorrean.
Finalera iritsi ez arren, Gipuzkoako zaleen berotasuna sentitu dugu, autobusak ere antolatu dituzten Bizkaian. Zoritxarrez, ezin izan diegu kirol-itxaropenei erantzun, baina larunbatean Illunben bizitakoa luzaroan gogoratuko dugu.
Guztion Kopa izatea nahi genuen, eta hala izan da, pasio handiz bizi izan dugu, hilabeteak iraun dituen lan goraipagarria, emakumezkoen eskubaloiak jende askoren interesa bereganatu duela sumatu dugu, Super Amara Bera Bera protagonista izan dela eta, Costa del Sol Malagaz gain, guztiok irabazi dugula. Guztion Kopa!
Fernando Diez Mintegi, Bera Bera RTko presidentea eta Tati Garmendia, Eskubaloiko arduraduna
