Erreginaren Kopako atarian, Imanol Álvarezek jokalariei mezu argi bat helarazi nahi izan die “emozioak kontrolatzea, publikoarekin, hiriarekin, antolakuntzarekin dugun konpromisoa baloratu eta berau aurrera eramateko gai izan”.
super amara Bera Berako entrenatzaileak espero du erronkaren aurrean “kirol arloan erantzun ona ematea” eta horretarako “eskubaloiaz hitz egin behar dugu, partida ondo prestatu, kanpoko giroa ahaztu, kirol arloari heldu behar diogu eta horrek lan ugari ematen digu”. Zentzu honetan, ohartarazi du “Caja Rural Aula Valladolid partida bakarrera gainditzea zaila izango da”.
Horrez gain, “orain arte jokatu den Koparik onena izatea” espero du Álvarezek, “egindako lanarekin horrela dirudi” eta, azkenik, “gogo itzela nabaritzen dut taldean eta inguruan” azpimarratu du.
