Garaipen garrantzitsua SUPER AMARA Bera Berak lortu duena Caja Rural Aula de Valladolid taldearen aurka (27-29, 14-14 atsedenaldian) bigarren zatiaren une erabakiorran bi areetan asmatu duelako, bost goleko abantaila lortzen lagundu diona Huerta del Rey kiroldegitik bi puntuak eramateko beharrezkoa.
Gipuzkoarrak ondo sartu dira lehian, Cesáreo aurkituz eta Aallak sei metroetako jaurtiketak geldituz. Muskulu biki batean mina hartuta Maitane Etxeberria baja izan da eta Cavo, jantzita egon arren segundu gutxi baino ez da pistan egon. Ondorioz, Imanol Álvarezek Polonio kokatu du hegalean, O’Mullony eta Hernández albokoetan, Boada taldea zuzentzen eta Sara Gil, ezker hegalean. Aalla atezain, Loidik Boada ordezkatu du defentsan.
Hasierako sentsazioak onak ziren, Elba Álvarezek jaurtiketetan asmatu arren –bost gol egin ditu lehen zatian-. Sara Gilek gauzatu ditu kontraerasoan eta hegaletik egindako jaurtiketak eta SUPER AMARA Bera Berak ihes egin du markagailuan (6-10). Peñasek partida gelditu du eta bere taldeak erasoan asmatu du, gipuzkoarrek, aldiz, ate aurrean aukera onak izan arren ez ditute baliatu. Ainhoa Etxeberriak birrita topo egin du Carmen Sanz atezainarekin eta O’Mullonyk eta Menéndezek, posteekin. Aula Valladolidek ondo aprobetxatu du egoera Jimena Lagunarekin eta Danila So Delgadok aurretik jarri du bere taldea.
SUPER AMARA Bera Berak pibotea aurkitzen jarraitu du eta Ainhoa Etxeberriak, bikain oraingo honetan, hiru gol ia jarraian egin ditu, Elba Álvarezek berriro asmatu du eta atsedenaldian ados bi taldeak (14-14).
Bigarrenean golak bi aldeetan aurreneko 20 minutuetan. Hasi zen moduan ekin zioten, hau da, Cesáreoren golarekin, halere Caja Rural Aulak Lucio aurkitu zuen. Donostiarrek ez zuten gehiegi aprobetxatu du Aulak jasan izan zituen kanporaketak eta partidak estu jarraitzen zuen. Bertakoek norgehiagoka bizia nahi zuten eta gipuzkoarrek, aldiz, erritmo bajua nahiago zuten Aularen defentsan erasoan hutsuneak aurkitzen zituztelako. Halere, González de Garibay eta Cifuentes jokalariek kontraerasoak gauzatuz partida berdindu dute berriro. Hernándezek penaltia huts egin ostean, June Loidik hartu du ardura hiru gol eginez. Boadak kanpotik sekulako gola egin du baina O’Mullonyk kanporatu dute (20’: 23-25). Penaltian Luciok baloi loratua bota dio Aallak baina Gorlizkoak igarri egin dio, Boadak barneraketa gauzatu du, Sara Gilek hegaletik asmatu du, Poloniok pibotera mugutita, Aallak So Delgadoren jaurtiketa urrundu du eta, ondorioz, SUPER AMARA Bera Berak partida apurtzeko aukera izan du (54’: 23-28).
Halere, gipuzkoarrek ez dute ondo kudeatu azken bost minutuak eta Aula gol batera jartzeko zorian egon da, halere, Aallak Cuadradori sekulako geldiketa egin dio eta O’Mullonyk defentsan atzeraka bikain egin du Sanzen pase luzea lapurtzeko.
Ondorioz, garaipen bikaina Huerta del Rey pista zailan eta SUPER AMARA Bera Berak hiru puntuko abantaila berreskuratu du sailkapenean bigarrenarekiko, izan ere, Unicaja Banco Gijón taldeak Elxen galdu egin du eta bost dira Rocasarekiko Tenerifen garaile. Larunbatan Gascan (19,30etan) bisitari, Conservas Orbe Rubensa Porriño.
Fitxa: Caja Rural Aula Valladolid 27, SUPER AMARA Bera Bera 29
Caja Rural Aula Valladolid 27 (14+13): Sanz, Lucio (4), E. Álvarez (5), Cifuentes (4), T. Álvarez, Cuadrado (3) y González de Garibay (4) – hasierako zazpikoa- S. Bergara, Colias (2), Moles, So Delgado (2), Laguna (3), Vallés, R. Bergara eta Guerra (o.a.)
SUPER AMARA Bera Bera 29 (14+15): Aalla, Gil (4), Hernández (4, 1p), Loidi (3p), Cesáreo (6), O’Mullony eta Polonio (3) – hasierako zazpikoa - Boada (4), Fernandes, Menéndez (1), Arrojeria, Ugartemendia (4), Moreno, Cavo eta Silva (o.a.)
Epaileak: Tania Rodríguez (valentziarra) eta Lorena Gil (aragoikoa)
Kanporaketak: Cifuentes, Colias eta Cuadrado Caja Rural eta O’Mullony (2) eta Loidi Super Amara Bera Beratik
Partzialak: 3-3, 5-6, 6-8, 6-10, 10-10, 14-14 -atsedenaldian- 16-15, 18-19, 22-22, 23-25, 23-28 eta 27-29
