Superkopaz geroztik 16 jokalariak oso-osorik elkartzeko eguna zen, lesiorik gabe, guztiak prest, baina ezin izanda, gaurkoan Malena Cavo ondoezik zegoelako etxean gelditu da –ez dauka Covideko sintomarik- eta, bestetik, Nely Carla Albertok entrenaldia zuzendu behar izan du Imanol Álvarez, Covid 19an positibo delako eta Álex Nogués, bigarren entrenatzaileak etxeratzearekin datozen egunotan amaituko duelako.
Lanzaroteko partida bertan behera gelditurik SUPER AMARA Bera Berak larunbatean Saguntoko partida du hizpide. Zonzamas taldearekin lanean da urtarrileko azken astean atzeratutako jardunaldia berreskuratzeko, Kopako kanporaketak direlako eta Lanzaroteko taldea kanpoatuta dago. Bestetik, Balonmano Morvedre taldeak hilabete honetan bi partida ofizial jokatu ditu, urtarrilaren 8an A Guardan (30-21) eta pasa den ostiralean Sagunton Conserva Orbe Rubensa Porriñorekin (18-23). Valentziarrak sei puntuekin daude sailkapenean, jaisteko postuetan, Zubileta Evolution BM Zuazo puntu bakar batera dute eta dagoeneko lau dira Porriñorekiko.
Guarko hutsuneaz haratago, espero da jokalari guztiak prest egotea larunbaterako. Era berean, litekeena da Álex Nogués Saguntoko partida zuzentzea Nely Carla Albertoren laguntzarekin. Tamborrada bertan behera gelditu arren, osteguna jai-eguna da Donostian baina SUPER AMARA Bera Berak prestakuntzarekin jarraituko du, ondorioz Errenteriako udal kiroldegian burutuko du eguardian saioa.
