23 jokalari eta gazteen aldeko apostua (eta II)

Imanol Álvarezek 23 jokalari erabili ditu 2021ean, horietatik, 14k egin dute 2020-21 eta 21-22 denboraldien arteko transizioa eta anbizioa eta hazteko gosea erakutsi duen gazte multzoa osatu du.

Nekane Terés eta Manuela Pizzo baja izanda, gaur egun, 16 jokalari dira, guztiak 30 eta 20 urte bitartean kokatzen direnez, hau da Alba Menéndez –kapitainari ez zaio igartzen- eta defentsan oinarri den June Loidi jokalariaren artean guztiak. Horrez gain, pandemian bigarren edo jubenilen taldekoei aukerak murriztu arren, SUPER AMARA Bera Berak hiru gazteei eman die aukera 2021ean ohorezko mailan debutatzeko: June del Campo, Amaia Zolezzi eta Oihane Bautista.

Lau jokalarik parte hartu dute 2021eko partida guztietan: Menéndez, Arrojeria, Fernandes eta Hernández. Maitane Etxeberria eta Mirene Moreno –deialdi guztietan- 33 norgehiagoketan izan dira; Cardoso, 29; Malena Cavo, 28; Ainhoa Etxeberria, 27 eta Silva 25 –deialdi bat bera ere galdu gabe-. Ostean lesionaturik izan direnak edo denboraldiko zati bakarra bete dutenak ageri dira: Cesáreo, 24; Terés, 19; Pizzo, 18; Arruda, 17; Boada –Superkopan beragertu zen-, Loidi eta Polonio, 15; O’Mullony eta Sara Gil, 14; Maddi Aalla, 8; Oihane Bautistak zazpi partidetan bete zuen atezain bizkaitarraren hutsunea, eta June del Campo eta Amaia Zolezzi, 20-21 denboraldiari zegokien hiru partidetan parte hartu zuten.

17 jokalariz osaturiko plantilla izan arren, SUPER AMARA Bera Berak aurtengo denboraldian jokaturiko 15 partidetan Imanol Álvarezek birritan baino ez du deialditik kanpo jokalari bat.

Fernandes, golegile nagusiena

Mariane Fernandes da taldeko golegile nagusiena 159 gol sartuta, partidako 4,67 gol. Guerreras Iberdrola ligako ezker alboko jokalaririk onena izendatu arren, aurten partidako ia bost gol daramatza, bataz bestekoa hobetuz. Ondoren dira, Adriana Cardoso 148 golekin; Laura Hernández 102; Arrojeria eta Cavo, 80; Maitane Etxeberria 76; Menéndez, 61; Cesáreo, 46; Polonio, 42; Terés, 37; Moreno, 34; Pizzo, 33; Sara Gil, 30; Ainhoa Etxeberria, 27; Boada, 26; Loidi, 24; O’Mullony, 22; eta Silva, Del Campo eta Zolezzi, gol banarekin, 1.030 golak osatuz.

Joku Olinpikoak eta Espainiako Mundiala

2020-21 denboraldia amaituta SUPER AMARA Bera Berarekin, Tokioko Joku Olinpikoetan –urtebete beranduago-, Eli Cesáreo, Adriana Cardoso eta Renata Arruda izan ziren, hirurak debutari. Bestetik, Mundialean, Espainian antolatu berri dena, SUPER AMARA Bera Berako Maitane Etxeberria, Eli Cesáreo, Laura Hernández, Mariane Fernandes, Malena Cavo eta Imanol Álvarezek bizi izan dute esperientzia.

Hobekuntzak eta babesle berriak

Hobetze aldera, Nely Carla Alberto entrenatzaileen laguntzaile hasi zen, Ammmarekin hitzarmena lortu zuen prestakuntza fisikoan salto bat emate aldera, Primafrio babesle berria da eta Meta Finalekin lanean da baliabide gehiago lortzeko eta barne antolakuntzan hobetzeko. Bestetik, SUPER AMARA gidari aurtengo kanpainak emakumeen baserritarrei omendu nahi izan ditu 'Gure nortasuna, gure indarra' lemapean. 

Datuak:

2021ean jokaturiko partidak:

Golegileak 2021ean: