Issy les Moulineaux hirian Paris 92 taldearen aurkako partidan, bost minutu falta zirela, Maddi Aallak ezin izan zuen norgehiagoka borobiltzerik, orkatila bihurritu zuelako Flippesi egindako geldiketa batean. Segituan zeozer nabaritu zuen eta aldaketa eskatu zuen. Ostean egin dioten azterketetan eskuin orkatileko sindesmosiko lesioa ageri da, ondorioz sei asteetako epea finkatu zuten.
Lesioa egin zuenetik hiru astetara –bi daramatza- deskarga partziala mantendu behar du, eta hirugarren astetik aurrera karga totala eta readaptazioarekin hasiko da. Horrek esan nahi du European Leagueko Q3 kanporaketa galduko duela eta Ligako A Guardakoa ere bai. Bere ordez, ligan azkeneko hiru partidetan bezala, Oihane Bautista arituko da.
