Nabaritzen da astelehena jai eguna dela, izan ere, Bera Bera Eskubaloiko harrobiko taldeek hiru partida baino ez dute jokatuko eta seniorren kasuan lagunartekoa izango da, bihar goizean Bidebietan 12,30etan jokatuko dutena Urdanetaren aurka.
Hortaz, bi partida ofizialak baino ez, Gipuzkoako txapelkei dagokienak. Batetik, hiru partidak irabazi dituen Herrería Bidebieta Bera Bera jubenil taldeak Erreka Bergara hartuko du Bidebietan larunbatean 10etan.
Infantil neskak, aldiz, Ereintza Beisser taldeari egingo dio bisita Errenteriako udal kiroldegian larunbatean 10etan.
Open Cup, Elgoibarrera
Pasa den igandean Open Cupeko kadete nesken mailako finalerdiko itzulera jokatu zen Bidebietan, Lacturale Bera Bera eta Salento Gelati Elgoibar taldeen artean. Joanekoan bezala, elgoibartarrak nagusi izan ziren gol bakar batez. Igandean donostiarrek lau penalti huts egin zituzten.
