SUPER AMARA Bera Berak Paris 92 taldearen aurka European Leagueko Q2 kanporaketaren joanekoa urriaren 17an, igandean 12etan, jokatuko du Gascan eta itzulera Issy les Moulineuxen izango da igandean, urriaren 24n (16etan).
Erronkaren zailtasuna zailtasun, kanporaketa gustokoa dute donostiarrek aurrean Frantziako liga indartsuko talderik garrantzitsuena aurrean izango duelako, eta fitxaketa onak egin dituena. Donostiarrak bezala, Paris 92 taldeak jokaturiko lau norgehiagokak irabazi ditu. Besteak beste, Lara González fitxatu du Guerreras selekzioan defentsako oinarria; Niombla, eskarmentu handiko lehenengo lerroko jokalaria, makina bat aldiz internazionala; Fofana hegalaria Brestetik etorrita eta Sajka alboko indartsua Metzetik.
Horrez gain, plantillan jarraitzen dute Laura Flippes, Olinpiar Jokuetan urrea lortu duena eta ezker hegalari onena izendatu zutena (albokoan gehiago jokatzen du), Offendal zentrala daniarra edo Gabriel atezaina, Frantziako selekzioarekin prestakuntza egin zuena. ETB1ek eskainiko du partida zuzenean. Michalis Tzaferopoulos eta Andreas Bethmann greziarrak izango dira epaileak eta César Castillo britainarra, EHFko delegatua.
Datak zehaztuta, SUPER AMARA Bera Berak bosgarren eta seigarren jardunaldiak berkokatu ditu. Bosgarren jardunaldian donostiarrek O Porriñora egin behar dute bidaia, urriaren 13an jokatzeko eta seigarrenean, Elche visitelche.com hartuko du Gascan urriaren 27an (19etan).
