SUPER AMARA Bera Berak Tenerifera egin du gaur goizean bidaia non bihar larunbata (21etan Donostiako orduan) Balonmano Salud taldeari egingo dio bisita Guerreras Iberdrola Ligaren hirugarren jardunaldiari dagokion partidan (García Mosquera eta Rodríguez, galizarrak).
Malena Cavo prest, Ainhoa Etxeberria Ugartemendia utzi du Gipuzkoan Imanol Álvarezek izan ere, gainontzeko jokalariak ondo daude 16ko akta osatzeko. Gipuzkoarrek Irletan daramaten boladari jarraipena eman nahi diote, azken pororta 2017ko maiatzean izan zelako.
Atarikoan, SUPER AMARA Bera Berako entrenatzaileak ohartarazi zuen bere taldea. “Ez da erraza izango, jakin badakigu zer nola ahuleziak dituztezen baina gauzan ondo egiten ere badakite. Ez dute jokua asko lantzen baina arriskua segituan egiten dute, horregatik, bere erasoa hasieratik kontrolatzen badugu abantaila izango da gure defentsarako”. Horrez gain, Álvarez dio “bere defentsa irekitzen da eta sistema horietan ez gara eroso sentitzen”.
Balonmano Salud taldeak lehengo lerroan Elena Martínez –hamar gol Lanzaroteri- eta Rebeca López dira protagonista, Rocha brasildarra ezker hegalean, Cobo eta Zaldua pibotean eta Irene Sánchez atepean.
José Ignacio Pradesen laguntzailea goreneko selekzioan izendatu berri den Álvarezek “erregulartasuna” nahi du “fidagarriagoa izatea, alegia”. “Kezkatuta nago, izan ere, azken urtetan taldeak ez daki partidetan ematen diren une txarrak identifikatzen eta, behin hori gertatuz gero, joku kontrolatu eta akatsak murriztu hobetze aldera. Ez dugu 60 minutu liluragarriak egingo baina ez bagaude ondo, jokua berrantolatu eta eusten jakin behar dugu”.
Jardunaldi garrantzitsua
Guerreras Iberdrola ligaren hirugarren jardunaldiak sailkepeneko goiko postuetan dauden taldeen arteko lehiak dakartza. Gaur gauean (21etan TDP) Alhaurín de la Torren, Málaga Costa del Sol taldeak Rocasa Gran Canaria hartuko du, bihar 19,30etan Elchek Mecalia Atlético Guardés jasoko du eta jardunaldia osatzeko KH7 BM Granollers vs Zubileta Evolution BM Zuazo; Conservas Orbe Porriño vs Unicaja Banca Gijón; Caja Rural Aula Valladolid vs Lanzarote Zonzamas eta Balonmano Morvedre vs Handbol Sant Quirze.
