Bera Berak Elx du buruan
Euskadin jai eguna izan arren, Bera Bera Eskubaloiko plantillak saioa atzo arratsaldean Manteoo Kiroldegian. Antza entrenaldia normal osatu zuten azken partidan baja izan ziren Ana Martínez eta Patri Elorza eta Aiala Zarautzen aurka atseden hartuta zegoen Maitane Etxeberria. Aitzitik, Amaia Azanza eta gaur traumatologoarengana joko duen Maite Zugarrondo bere aldetik daude.
Izan ere, Bera Bera buruan du dagoenekeo Elxeko Carrus pistan larunbatean jokatu behar duen partida (18etan, Sebastián Fernández eta Alberto Murillo, Andaluziarrak). Norgehiagoka ikusgai izango da Espainiako Federazioko web orrialdean. Elche Mustang izan da aurten ligan donostiarrak gainditu duen talde bakarra, Bidebietan izan zen, ia hiru urteko boladari amaiera emanez. Baina merezimendu osoz irabazi zuen partida eta Bera Beraren akatsak aprobetxatuz.
Bera Bera eta Elche Mustang taldeek Castellon elkar ikusi zuten berriro Kopan. Eta berriro ere gipuzkoarrek gaizki pasatu zuten, batez ere bigarren zatian. 18-20 atzetik, bi kanporaketa dela eta lau jokalari pistan eta Tempranok Popovicen penalti gelditu eta gero hasiera eman izan zion iraulketari Bera Berak. Halere, luzapenean irabazi zuen finalerdietarako txartela Ivet Musons jokalariaren lesioa tarteko.
Eta Carrusean eman diren emaitzak ikusita, Bera Bera konzentraturik irtengo da puntuen garrantziaz eta aurkariaren mailaz jabeturik. Gainera, jardunaldi berean Rocasak eta Mecalia Atlético Guardések A Guardan jokatuko dute, hortaz, donostiarrek atzetik dituen aurkari batekin gutxienez aldea handitu dezake.
Ike Cotrina
Vicente Cotrina Ike ezizenez ezagutzen den entrenatzaileak aurkariaren azterketarekin lagunduko dio Montse Pucheri. Besteak beste, Anaitasuna eta Guadalajara taldeekin esperientzia izan ostean Belgikako Eskubaloi federazioarekin lan egiten du.
Hortaz, Montse Puchek Tati Garmendia gertu duela, entrenaldietan Eider Rubioren laguntza izango du eta orain Ike Cotrina ondoan izango du. Aste honetan taldeak gaur, bihar eta etzi arratsaldean egingo du lan Bidebietan eta ostiralean egingo du bidaia Elxera.
