Kadeteak, hirugarrenak Euskadiko txapelketan

Ostiraletik igandera bitartean, Euskadiko txapelketa jokatu da Zarautzen eta Orion kadete mailan. Bera Bera lauko finala eskuratzeko zorian egon zen Zarauzko Aiala taldearen aurretik joan zen partidako minutu asko, atzoko partidan Orioko kiroldegian. Halere, leher eginda, ezin izan zioten norgehiagori eutsi eta 20-25 galdu zuten. Ondorioz, hirugarrena gelditu zen, Tecnifuelle Elgoibar eta Kukullaga Etxebarri taldeekin berdinduta. Bera Berak 32-29 galdu zuen lehen egunean bizkaitarren aurrean eta larunbatean Elgoibar gainditu zuen 22-23. Elgoibartarrak 17-26 nagusi Kukullagaren aurrean eta Aiala Zarautzek hiru partidak irabazita Euskadiko txapelketa bereganatu zuen. Emaitza gehiago Senior taldeak etxean galdu zuen 21-23 Jarrilleras taldearen aurka eta azken jardunaldian Aloña Mendi hartuko dute. Infantil neskak, bestetik, 4-23 galdu zuten Eibar Eskubaloiaren aurka Foru Aldundia txapelketan.