Zarautz, Yoldi, Andoain eta Bidebietan jokatuko du harrobiak

Lurralde mailako kadete taldeak irekiko du asteburua Zarauzko Antoniano kiroldegian, larunbatean 12,30etan bertako Aiala A taldearen aurrean. Arratsaldean Euskal ligako taldeen txanda izango da. Bidebietan, Oñatiko Aloña Mendiren aurka bi partida, kadete taldeak 16etan eta jubenil taldeak, 18etan. Ordubete beranduago, 19etan, Andoaingo Allurralde kiroldegian senior taldeak Leizaran Eskubaloiaren aurka jokatuko du. Eta igandean, Paco Yoldi kiroldegian arituko diren infantil taldeen txanda. Neskak Bidasoa Irun taldea hartuko dute 9,30etan eta mutilek, 10,45etan Ereintza C taldearen aurka. J.A. Garaikoetxearen argazkian, Leire Oiarbide jubenil jokalaria.