Dueñasek Ana Martínez deitu du
Jorge Dueñasen deialdiak azken orduko aldaketak izan ditu, oraingo honetan Bera Beran eragina du. Datorren astean Holandaren aurka jokatu behar dituen bi partidei begira Ana Martínez izango da sudurra apurtuta duen Macarena Aguilar ordezkatuko duena.
Horrela, sei dira Bera Berako jokalariak selekzioekin arituko direnak martxoaren 23tik aurrera. Ana Martínezekin batera, Holandara joango dira Eli Pinedo eta Patri Elorza; Maitane Etxeberria eta Esther Arrojeria junior mailako selekzioarekin arituko dira eta Nitsan Dunay Israelekin Turkiara.
