Bera Bera Eskubaloiak Rocasa Ace Gran Canariaren aurka itxi zuen Bidebietan lehengo denboraldia Liga ikutzeko balio izan zuen partidan eta kanariarrak izango dira donostiarrek hartuko duten lehenengo aurkaria, Ligako etorkizuna finkatuko duen norgehiagokan.
Urtea Gascan Superkopa irabazten hasi zuen Bera Berak, Rocasaren aurka berriro, eta orain eskubaloia Bidebietara itzuliko da. Ohorezko mailako partidaz gain, igandean 9,30etan senior mailako taldeak Zumaiaren aurka jokatuko baitu lagunartekoa.
Iazko denboraldian ez bezala, aipatzekoa da kiroldegiko kafetegia irekita dagoela pasa den abuztutik. Partidak ikustera datozen zaletuek ondo eskertuko dutena.
Gainera, Mariscos Bruñori esker, Bera Bera eta Rocasa Ace Gran Canaria taldeen aurteko partidan itsaski zozketa ederra burutuko da.
Bestetik, Bera Bera jubenil taldeak Etxebarrin jokatuko du lagunartekoa larunbatean, 16etan, Kukullagaren aurka.
Select your language
