Nora Azurmendi, Alcobendasen utzita
Iazko abuztuan aurredenboraldia burutu zuen ohorezko mailako taldearekin, harrobiko jokalariei ezartzen zaien ibilbidean sartu zen Uxue Ezkurdia eta Esther Arrojeriarekin batera eta ikasturtea behin hasita, Bidebietan agertzen zen arratsaldetan entrenatzera.
Urria bukaeran, Ermuan zoritxarreko jokaldi batek eskuin belauneko lotailu gurutzatua apurtu zuen, Vero Cuñak sufritu zuen lesio bera baina astebete beranduago.
Nora Azurmendik 18 urte beteko ditu urrian. Datorren astelehenean, irailak 23, Madrilen Fistioterapia eta INEF gradu bikoitaza ikasteketak hasiko ditu eta eskubaloiari lotuta jarraitu nahi zuenez, Bera Berak eta Helvetia Alcobendasek harremanetan jarri ziren donostiarrak utzita joka zezan Alcobendasen.
Horrela, abuztuaren 6tik aurrera, Nora Azurmendi Félix Casas entrenatzaileak zuzentzen duen Ohorezko mailako taldearekin dabil, nahiz eta teorian Lehenengo mailako taldearekin jokatu duen. Donostiar hegalekoak egunero ordubeteko bidaia egin beharko du arratsaldetan Ametsen kiroldegian entrenatzeko, asteazkenean, Lehenengo mailako taldearekin arituko delarik.
Halere, lanaren eta fitxen arabera, Félix Casasek Nora Azurmendi deituko du. Horrela izan zen lehengo ostiralean Elxera egin zuen bidaiari begira. Carrus pista zailan, iaz Elxek puntu bakar bera ere galdu ez zuen lekuan, madrildarrek bi puntu eskuratu zituzten. Donostiarrak “intentsitate” handiz eserlekuan ikusi zuen norgehiagoka baina iritsiko zaio ohorezko mailan debuta egiteko unea.
Sei aste hauek igarota “oso ondo” aurkitzen da “bizitza berri honetan”. Abantail garrantzitsu bat dauka Norak, “taldekide guztiak nire adinekoak dira edo oso antzekoak”. Hala da, izan ere, 90. hamarkadako taldea da Helvetia Alcobendas, Maite Zugarrondo eta Saray Prieta izan ezik (89. jaio ziren), hau da, plantillako beteranek 24 urte besterik ez dute.
Nahiz eta talde gaztea izan, Ligako postu gorenetan izango da Helvetia Alcobendas eta aurreneko abisua ostiralean eman zuen Elxen. Madrildarrek debuta egin zuten iaz Europan eta azaroan EHFko hirugarren kanporaketarik ekingo diote Suediako Skuru taldearen aurka. Bera Beraren aurrean ikusi ahal izateko, 2014 urtarrilera arte itxaron beharko dugu.
