Viborg eta Rostov ekidin ditu Bera Berak Championseko ligan sartzeko

Bera Bera Eskubaloiak Champions League du hizpide dagoeneko. Izan ere irailaren 22 eta 23an ospatuko den kanporaketan izango dituen hiru arerioak uztailaren 3an ezagutuko ditu, hau da, Champions Leagueko ligaxkan sartu ahal izateko lauko finala bailtizan gainditu beharreko taldeak, hain zuen.

EHFk datorren urteko Champions Leaguen aritzeko baldintzak bidali dizkie taldeei, besteak beste, aurreneko aldiz 15.000 euro ordaindu beharko dira ekainaren 11a baino lehen izena ematerakoan. 

Hamasei talde onenen artean egon ahal izateko, Danimarka, Errusia eta Alemaniako azpitxapeldunek osatzen duten talde berean dago Bera Bera, hau da, Viborg HK, Rostov eta Buxtehuder taldeak saihestuko ditu. Fase honetan iaz Danimarkako Viborg taldeak Rostov errusiarra kanporatu zuen eta alemaniarrek multzon fasera lortu zuten txartela Poloniako KGHM Metraco Zaglebie Lubin eta finalean Hungariako DVSC-Forum Debrecen taldeak gaindituz, talde hauek ez dira Vienan uztailean burutuko den zozketan egongo.

Horrela, lauko finala osatuko da. Donostiarrek bi partida irabazi beharko dituzte, finalerdia eta finala Champions Leagueko multzon fasean egon ahal izateko. Txartel hori lortuko ez duten taldeak ‘ Cup Winners’ Cup’ (Errekopa) txapelketara egingo dute salto. Bigarren eta hirugarren sailkatuek hirugarren kanporaketan sartuko dira –urriaren amaieran- eta laugarren sailkatuak bigarren kanporaketa jokatu beharko du urriaren hasieran.

Byasen, FTC, Biseri edo Clij

Orduan, Bera Berak honako arerio batekin topo egingo du –zailenak teorian-, Norvegia, Hungaria, Montenegro edo Errumaniako txapeldunordekin, hau da, Trodheimeko Byasen, Nerea Pena nafarra fitxatu duen Ferencvarosi TC de Budapest taldea, Biseri edo Universitatea Clij errumaniarra.

Era berean, Suedia, Holanda, Polonia edo Serbiako txapeldunen bat izango du lauko multzoan, hau da, Sävehof suediarra, Laczpol Gdynia poloniarra, Holandako MizuWaAi Dalfsen edo Westfriesland SEW eta Zajecar serbiarra.

Eta laugarren taldea Italia, Grezia, Mazedonia, Ukrainia, Turkia, Eslovakia, Suiza eta Portugaleko txapeldune artean izango da, halere, hauek guztiak aurretik, irailaren 7 eta 8an, kanporaketa bat gainditu behar dute.

Iaz Championseko multzoen fasera iristeko kanporaketa honetan izan zen Byasen. Mazedonian jokatu arren Norvegiako taldeak txartela eskuratu zuen finalean bertako Metalurg taldea gaindituz (Elda Prestigio kanporatu zuen taldea).

Etxean jokatu arren, Suediako Sävehof taldea ezin izan zuen Randersekin aurretik Holandalo MizuWaAi Dalfsen menperatu zuelarik. Eta Zajecar serbiarra Errumaniako U Jolidon Cluj taldearen aurka galdu zuen lehenengo partida Danimarkan burutu zen kanporaketan.

Ondorioz, arerio zailenak alde batera utzi ditu Bera Berak, halere Championseko 16 onenen artean egotea oso zaila izango da.