Jubenil eta kadeteek Euskadiko txapelketari ekingo diote asteburuan

Asteburu honetan Bera Bera Eskubaloiko harrobiko taldeek partida guztiak etxean jokatuko dituzte, leku ezberdinetan bada ere.

Kadete eta jubenil mailan Euskadiko Txapelketako ligaxka hasiko dute, bi itzulietara, Bera Berako bi taldeak. Horrela, Bera Bera Egia kadete 2 taldeak Amazsa Urdaneta, Urdaibai E.T. eta Bide Onera Zuazu izango ditu aurrez aurre, arabatarrak izango dira larunbatean arerioa. EHF Cupeko kanporaketa aurretik jarri dute partida Gascan, arratsaldeko 3,30etan, alegia.

Bestalde, Bera Bera Egia jubenil taldeak Errotabarri, Grupo Eibar Sanlo eta Usurbil K.E. izango ditu multzoan. Aurreneko partida igandean izango da, Egia kiroldegian 12,15etan eta Errotabarri izango da arerioa.

Foru Aldundia txapelketa

Bera Bera Egia kadete 1 taldeak Ordizia Irurena hartuko du larunbatean Bidebietan, eguardiko 12,30etan, Gipuzkoako Foru Aldundia txapelketari dagokin partidan.

Infantila mailako bi taldeek Pasai Donibaneko kiroldegian jokatuko dute. Bera Bera Egia Infantil B Urnietako B hartuko du 10,30etan eta Bera Bera Egia Infantil A CDB Leizaran A izango du aurrean eguardiko 12etan.

Planifikazio honi esker Bera Berako harrobi osoa Gascan izango da larunbatean (5,30etan) ohorezko mailako taldea animatzen Lada Togliattiaren aurrean.