EHF Kopan Rostov-Don talde errusiarra izango du arerio Akaba Bera Berak
Benetan txarra suertatu da Akaba Bera Berarentzat gaur goizean Vienan EHF Kopako hirugarren kanporaketako burutu den zozketa, Errusiako NP HC Rostov-Don taldeari aurre egin beharko diolako. Hain urrutira joateaz gain, bigarren partida Doneko Rostoven jokatuko da Azaroak 8an, eta Bidebietan partida Azaroak 1ean izango da.
Reyes Karrerek zuzentzen duen taldeak gutxien nahi zuenetako talde bat jaso du, bereziki hara joateko antolakuntza eta bidaia konplikatua izaten delako. Horretaz gain, taldea ere indartsua da, bere ligan bostgarrena bait da momentu honetan, eta aurreko kanporaketan Galytchanka ukraniarra gainditu bait zuen.
Talde ezezaguna da Bera Bera taldearentzat errusiarra, baina ez da txantxetakoa izango, selekzioarekin egondako bi jokalari baduelako, Poltoratskaya eta Uskova, eta Pekineko Joku Olinpikoetan zilarrezko domina lortu zuten.
Miloitik gorako biztanle ditu Doneko Rostovek, eta Europar Errusiaren hegomendebaldean dago, Baltikotar errepubiliken eta Hungariaren mugatik hurbil.
