Gaur arratsaldeko entrenaldia burutu ostean, Aitor Etxaburu entrenatzaileak plantilla osoa prest izango du bihar Helvetia Alcobendasi aurre egiteko. Carlos Luque eta Ignacio Pascual (kataluniarrak) zuzenduko duten partidan, Bidebietan daramaten boladari jarraipen eman nahi diete gipuzkoarrek aurkari zuzen baten aurka. Partidaren ordutegia (18etan) ordubete aurreratu da Eba saskibaloi ligako taldeak ondoren leku berean jokatzeko aukera izan dezan.
Horrela, nobedadea Ana Martínez izango da, ligan debuta egingo duena. Bera Berak lehenengo lerroan beste baliabide bat irabazi du eta Aitor Etxaburuk Uxue Ezkurdia ere deituko du, ondorioz, denboraldiko lehenengo aldia da jokalari guztiak prest dituela.
Komunikabideei adierazi zien “etenaldia ondo etorri zaigu” baina, ere berean, bai berak bai Alcobendasen bi urte egin dituen Maite Zugarrondo ohartarazi zuten madrildarrak indartsu dira. “Erasoan nahiz defentsan baliabideak dituzte” zioen entrenatzaileak eta “guztia ematera datos” nafar atezainak. Zoritxarrez Helvetia Alcobendasekin aritzen den Nora Azurmendi donostiarrak oraindik mina hartuta dago eta ez du jokatzerik izango.
Bularreko minbiziaren aurkako borroka
Biharko partidan, Bera Berako plantillak besoko arrosa eramango dute igandean Bularreko Minbiziaren Nazioarteko Eguna delako. Minbizia ahal den azkarren hautematea oso garrantzitsua da eta ekimenarekin bat egingo dute jokalariek.
Urkabe produktuekin zozketa
Urkaberi esker, Bera Bera Eskubaloiak zozketa prestatu du biharko eta bertan kalitate handiko urdaitegiko produktu ugari eskuratzeko aukera dago. Atsedenaldian egingo da zozketa eta Bidebietan bertan produktuak izango dira.
Select your language
